“-Ин чӣ аҳвол аст, наход маоши худро натавонӣ саривақт дастрас кунӣ. Худо гирад, ҳамин хел бонкро…”
Мегӯяд Дилшод Саидов, омӯзгор аз шаҳри шаҳри Кӯлоб. Ӯ мегӯяд, 2 моҳи ахир наметавонад маошашро аз банкоматҳои “Агроинвестбонк” дастрас кунад. Навбатпоии зиёди ӯ дар филиали ин бонк дар шаҳри Кӯлоб бенатиҷа анҷом ёфт ва ӯ маҷбур шуд, барои гирифтани маошаш ба шаҳри Душанбе биёяд.
Аммо дар бинои асосии бонк низ ӯ ба навбатпоии зиёди одамон рӯ ба рӯ шуд. Мисли ӯ кам набуданд корафтодаҳо, ки барои гирифтани маош саҳну толори бинои “Агроинвестбонк”-ро “охӯрча” карда буданд.
